Imer Hysa
Gjumin e bëj si lehonë
kujdesem si lulishtarë
merakosem si shartues.
malli më bën
sfidues.
SOT
Dielli mbeti pas reve
si mendje e dyzuar
si fjalë pa ngjyrë.
Sot
një thinjë më shumë
më e thellë një rrudhë në fytyrë
Ah sot
s’ desha ta besoj
që stina s’po ecen mirë.
TRENDAFILI
Në petale, petela, thekë e pistil
fjalë dashurie shkruaj për ty,
poshtë gonxhes, se prek gjëmbin
pa të, s’ka jetë një dashuri.
DY NJERËZ NE BAR
Kamarier
dy kafe,
një ujë pa gaz
bosh dy gota.
Fjalë me zë të lartë
thashetheme të forta.
PORTA E HAPUR
Zemrës s’ja mbyll portën,
në do
hyr e dil me takt,
në mbyllje të lutem
jo forcën
përplasja, trombozë, infrakt.
