Në mëngjes gjithë etiketë,
Më shkruan ti, të pyes, më pyet,
Gjith etiketë, jemi të rritur,
E shpirti plas i përpëlitur!
Me elegancë ,me etiketë,
“Si jeni juve e nderuar?!,
Sa ditë të bukur keni kaluar?”
O zot i madh…gjithë ai zjarr,
Përbrënda gjokseve në varr,
Në heshtje klith, dorën e mban,
Do të pëllcasë si vullkan!
Mos u çudit se nuk do zgjasë,
Me lemeri kur të buçasë,
E do të thotë,…çfarë do të them,
Fare pacipë do jem!
Se syri yt është si rubin,
Ma këput shpirtin, m’a grin,
Se flokët kur i mban lëshuar,
Si butësi më ndrijnë në duar.
Gjithmonë me ty jam dhe në ëndërr,
Se të kam shpirt, e të kam zëmër,
Që mezi pres të të takoj,
Tek cepi i buzës të kafshoj!
E trimëria…bie prore,
Më shkruan ti me gërma dore,
“A vjen dot sot në kinema?”
E dreqi prapë brenda më ha!
![](https://gazetadestinacioni.al/wp-content/plugins/phastpress/phast.php/c2VydmljZT1/pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDIzJTJGMDUlMkYzNDczOTcwMTFfOTQwNDg4ODM3MTg4NzQ3XzYwNjEwMjgzMzgwNjYwNzUxOTJfbi5qcGcmY2FjaGVNYXJrZXI9MTY4NTI3MzA1Ny00NzI0MSZ0b2tlbj0zOGY4ZTQ4OTRlNjIxYTU3.q.jpg)