Horgito Hoxha
Qante nata…
Shiteshin lule kudo në rrugë,
Në kryqëzime e ndonjë sokak,
I kërkohej shitësit pazarin të ulë,
Dhe shkonin atje ku shitej me pak.
Ato lule të bukura në ngjyrë e aromë,
Shiteshin natën kur pleqtë flinin gjumë.
Nuk ndjenin kësaj nate ,të ftohtë,
I dehte një ilaç që i derdhej lumë.
U shitën dhe dhoma hoteli zbukuruan,
Pastaj sërish u hodhën, një e nga një,
Në fushën me kryqe të drunjtë i dërguan
Ç’të flisnin tani ato shpirtra pa zë.
Qante nata…
Po dita nuk dinte gjë!
#poezihorgitohoxha
