fabul
Në një degë shkoze
Poshtë tij një qengj
Shihte i habitur
Si është kjo jetë,
Thosh qengji manar,
Unë ha bar të thatë,
Kurse ky lastarë
Dythundrakë jemi,
Si unë dhe ai,
Ai hipën lart
E më bën kakërdhi
Të lutem, i thotë kecit,
Ku qëndron sekreti,
Të hipi dhe unë
Përmbi degë, i shkreti
S’ka ndonjë sekret,
More miku im,
Ti s’je për këtë punë,
S’je i sojit tim
Kullot në livadhe
Dhe më dëgjo mua,
Dythundrakë jemi,
Po s’jemi një sua
Qengji uli kokën
Dhe më nuk u ndie,
S’qenka soi ynë, tha,
Është soj lartësie
Ndaj nuk janë njëlloj
Delja edhe dhija,
Vlerën ta jep jeta,
S’ta jep lartësia …
