Mbi mal të Malëshovës
1-Mbi mal të Malëshovës
më ka ngelur syri,
Atje ku u linda
dhe ndrij si floriri.
Shqiponjën e rrita
me këngë të rralla,
Nga malli u treta,
vdiqa dhe u ngjalla.
2-Nurin e Malëshovës
kam marrë në fytyrë,
Ndaj dhe rrezatoj
si të jem pasqyrë.
Mallin marr me vete
e fus thellë në zemër,
Kaloj male,dete
sa i madh ky emër.
3-Të gjithë jetën time
ja kam bërë dhuratë,
S’gjeta një të dytë
si kjo zemër-zjarrtë.
Dhe s’kam për të gjetur
kurrë një të dytë,
Ndaj si një pikturë
sot e mbaj tek sytë.
4-Nëpër shtegëtime
si busull e mbaj,
që të kthehem prapë
pranë gjirit të saj.
Në folezën tënde
ta kem përjetësinë,
ti nënë që më linde,
ti mbyllma dhe synë.
Riza Çato
P.S.Fotografia eshte marre nga mjeshteri i fotografimit Anesti Janc
