Gezim Llojdia
1.
Kur u nisa për te ty!U pengova,u lëkunda dhe u rrëzova.
Sigurisht,u ngrita.Ti me duart e vogla mblidhje luledele.
Kur e nisa këtë udhëtim pyeta,veten time:Ku po shkoj?
Kjo busull,këtu ecën kuturu.Ndërsa vrisja mendjen.
Ndërsa përpiqesha të gjeja rrugën time.Ishte ideja ime.
Dyshoja vazhdimisht.Zemër e hollë.Ndërgjegjja klithte.
Ndërsa dëgjova.I dehur.Thirrjen e shpirtit.
2.
Kur u nisa për te ty.Shegët me bojën e kuqe.Buzët e saj.
Të varura në pemishte.Në errësirë,unë nuk mund ti
shoh flokët e saj.Pastaj mbrëmë frynte.Një erë veriore.
Ajo vështronte.Me dorën e vogël fshinte, të kuqin e buzëve.
Si shegët e saj.Fishkëllimën e gjetheve.Zemra.Buza e ndukur.
U hap si një flutur.E bukurë .Atyre, që na flasin në erë.
Për gojët tona të purpurta.Për shegët në vjeshtë.
3.
Kur u nisa, për te ty.Na vizituan engjëjt në ëndrra.
Gjaku udhëtoi nëpër damarët e mi.Për të oksigjenuar
brendësinë time.Të plakura, qelizat e mia dhe kujtesa ime.
Më pas vërshuan stuhitë e shiut dhe stuhitë e borës.
Kërrusur katundi,kruspull njerëzia.Thashethemnajë ngado.
Dukej sikur këtu.Në këtë cepin tonë.Në një metër,të vetëm.
O Zot!Ishin mbledhur, gjithë mërit e botës.
4.
Kur u nisa për te ty!Ishte,si vrapimi drejt pasionit.
Çarja e shegëve nga shiu në vjeshtë.Më tërhoqi
fryma femërore.Dhe ajo çfarë ndjejë.Është e thjeshtë.
E dua mërzitjen tënde.Urtësinë tënde.Heshtjen tënde.
Marrëzitë e tua i dua.Mjegullnajë nëpër male, në kreshtë.
Pikojnë nga degët, shegët e çara në vjeshtë.
5.
Kur u nisa për te ty!
I dëshpëruar.Dimrin shohë në sytë e tu.Ata sy të ftohtë, gri të dimrit.Më treguan. Diçka.Hijeshinë e paçmuar të pranverës.
-Po fol një fjalë Amanda! Kaq vite sëbashku. Një unazë në muzg.
As prerë.As vrarë. Gjithmonë, pas njëri-tjetrit,të marrosur.
Kreshtat e hënës kanë dalë.
6.
Kur u nisa për te ty!
Shenjat paralajmëronin.Stuhi gjeomagnetike.Dhe.
Leonis Minorid.Rrëzim meteorësh,çdo natë.
Paqëndrueshmëri në karaktere.Luhatje humori, prapë.
Këto gjeste e tua janë si shiu.Kulpra u zgjatë në lofatë.
Të lashtat do të rriten.Jashtë këtyre koncepteve të tua.
Poshtë shpateve tona.Tokë e prapë.Zemër e penguar.Dhe
Ugar i çarë. Më tej rigon i thatë…
Të gjitha reagimet:
44Selman Hysi, Miranda Troci Derti dhe 42 të tjerë
