Udhëton ky shpirti im autostradave të kujtesës,
ndalon semaforeve të viteve, për të bërë pak pushim,
ecën mes ngjarjesh fytyrash, emocionesh,
paqe me veten kërkon shpirti im?!
I fal vetes lavdërime, për gjithçka që i solli gëzime,
për gabimet që qiellin e ëndrrave lyen në gri, mëshirë.
Dëshiron të gjejë ekuilibrin rrugicave të ndjenjave,
bashkëudhëtare të ketë ndërgjegjen e qetë, ka dëshirë.
