U nisëm në rrugë,
Në rrugën e madhe,
Halle lamë mbrapa
Halle që s’u sosën,
Plagë që s’gjejnë shërim,
Çfarë është ky mallkim
Për Atdheun tim?
S’ka ndodhur e s’ndodh
Në gjithë botën mbarë,
Ashtu siç po ndodh
Me popullin shqiptar,
Tridhjetë vjet gënjeshtra,
Tridhjetë vjet premtime,
Kur do mbarojnë hallet
Moj Shqipëria ime?
Të iku rinia,
Syri me gjithë dritë,
Tridhjetë vjet që presim
Për të mirat ditë,
Presim, vetëm presim
Vjet tridhjetë e ca,
Ikën një debil,
Vjen një maskara,
Tranzicion i gjatë
Për popullin shqiptar,
Ikën një kërriç
Dhe vjen një gomar,
Kështu vazhdon loja
Në Shqipërinë tonë,
Betohen për të thatin
Edhe hanë të njomë …
