*******************
U mbyta e mjera
Dehur nga aroma
Lum petalesh derdhur
***
Humba bukurive
Bilbiln ç’kërkoja
Me zërin e ëmbël
Shpirtin të shëroja.
***
Dallgët me petale
Më rrëmbyen brënda
Mes gjithë bukurive
Ëndrrash po lundroja.
***
Bilbili mbi gonxhe
Ëmbël po këndonte
Zemrën e plagosur
Donte të shëronte.
***
Dallgës seç ju luta
Dhe bregut më nxori
Bilbilin e bukur
Desha ta takoji.
***
Bilbili më pa
Drejt meje vrapoi
Arom trëndafilash
Shpirtn ja kaploi.
Më mori në krahë
Dhe këngën filloi
Mes dy bukurive
Simfoni krijoi.
***
Bukur trëndafilat
Unë edhe bilbili
Mes aromës tyre
Kjo dashuri lindi.
*Poezi*
Nga poetja: Afërdita Hadaj
