![Mund të jetë një imazh i 1 person dhe duke buzëqeshur](https://scontent.ftia5-1.fna.fbcdn.net/v/t39.30808-6/420459479_6815179118609698_7834829314920318720_n.jpg?stp=dst-jpg_p526x296&_nc_cat=101&ccb=1-7&_nc_sid=c42490&_nc_ohc=oZoJxl1SIWwAX_sExzs&_nc_ht=scontent.ftia5-1.fna&oh=00_AfDU32jkDe_gfx-i0ObnqdQqE82OizE-jxggnuaBzpp8Uw&oe=65AF140D)
Në hapësirën e ëndrrave shfaqet rishtas
Vajza e Hënës si një shpirt i bukur që lëviz
në detin e pafund të kujtimeve.
Sytë e saj janë një dritare ku mund të shohēsh
një botë magjepsëse që të dërgon në kopshtin
e një parajse përrallore.
Hija e saj prej një bukurosheje të fjetur shpërthen
si dielli në agim kur ajo nis të hedh hapat drejt
harmonisë së princit që shndrit si një Yll në
qiellin e errët.
Fytyra e saj është pasqyrimi hënor që ndriçon
me një ëmbëlsi të pazakontë duke zgjuar ëndrra
të fjetura.
Pasqyra e ëndrrave të saj është imazhi i një
Borëbardhe që zgjohet befas nga gjumi i thellë
mbështjellë nga mjegulla e heshur.
Me këngën e saj të ëmbël ajo vallëzon me
Yllin magjik që shpërfaqet në qiellin e pafund
të dëshirave ëndërronjëse dhe hëna qē kundron
gjithë kërshëri romancën e tyre.