Vajzë e bukur ëngjëllore,
me atë trup të stolisur,
kush të pa e mënd s`ja more,
E bardhë si flokë dëbore,
ç`qumësht të ka dhënë nëna,
që je bëre si hyjnore,
më shëron më shumë nga kënga..
Të shkëlqen gusha si drita,
si fishekët e gjerdanit,
kur del ushtari nga prita,
kur ngrihet nga istikami..
Hiqi nga balli floritë,
se ty të ka fal natyra,
qëndisur buzët dhe sytë,
s`ka pse shkon te pasqyra..
Po të isha unë hënë,
po të isha unë diell,
do hyja nga jashtë brënda,
të të ngreja lart në qiell..
Do t`i mbledh yjet e zjarrta,
të t`i bëjë kurorë ari,
të shkëlqesh të zhduket nata,
ta kthesh në ditë behari..
Dashuri,moj dashuri,
që nuk le zemër pa prekur,
s`të blen argjend e flori,
vetëm shuhet kur ke vdekur..
![](https://gazetadestinacioni.al/wp-content/uploads/2023/12/ddd.webp)