Tetë orë në ditë sot punëtori punon
Pa menduar askush paga a i mjafton
Të drejtat e punëtorit shkilen për çdo ditë
Më shumë në sektorin privat, edhe në atë publik.
Kush ua qan hallin klasës tonë punëtore
Kanë mbetur punëtorët të lënë pasdore
Detyrohen të ikin, ta lëshojnë vendin e vet
Detyrohen të punojnë në ndonjë tjetër shtet.
Shumë të rinj e të reja vendin e kanë lëshuar
Për një punë më të mirë, më shumë për të fituar
Si nga Kosova, por edhe nga Shqipëria
Për ditë e më shumë, po ik, po ik rinia.
Për këtë Një Maj s`ka kuptim për të festuar
Kur kushtet për punë e për jetë nuk janë krijuar
Ngriteni zërin, punëtorë, dilni e protestoni
Të drejtat tuaja të pamohueshme vetë duhet t`i kërkoni.
