E shita medaljen e babait ,
te tregu i plaçkave në pazar ,
dy onc e gjysëm tregoi kandari ,
vlerën e Heroit Kombëtar .
Kërkova të shoh edhe një herë ,
shkëlqimin e tij si më parë ,
i zbehtë , dyllë i verdhë ,
pa jetë metali ar .
Amaneti i vjetër i babait ,
që lidhej me një histori ,
në qafën e tregëtarit tinzar ,
qe veçse një copëz flori .
Tani bredh i humbur ,
nga njëri në tjetrin shtet ,
në tufën e letrave shkruhet ;
– Njeri pa Identitet .
