![](https://gazetadestinacioni.al/wp-content/plugins/phastpress/phast.php/c2VydmljZT1pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDQlMkZTY3JlZW5zaG90LTIwMjQtMDQtMjctMDEzOTIwLmpwZyZjYWNoZU1hcmtlcj0xNzE0MjE0NjAwLTg2MzE1JnRva2VuPWMzZTllYWZlMWZhN2Q4ZWE.q.jpg)
Lirika 23 .
Arsyet e zemrës .
Më kot u dredhon vështrimeve të mia ,
nga lulja në lule ti flutur bredharake ,
mbi shpinën time do të marr shaluar ,
si kali i harbuar nga epshet shtazarake .
Me shpejtësinë e erës kur t’u kalosh pranë ,
lulet do të vështrojnë me kokën ulur ,
më shumë se çdo gjë do të donin atë çast ;
Ah , sikur natyra ti kish bërë flutur !
Më kot mërziteni ju lulet e mia ,
natyra ju ka bërë në vendin e duhur ,
një flutur pa aromë mbi shpinën e një kali ,
qëndron veçse , veçse për tu dukur .
E di që një ditë do ngelem i penduar ,
ashtu si ju lulet dhe unë do jem vyshkur ,
flutura harakate do më jetë larguar ,
mbi shpinën e ndonjë mëzi gati në të rritur .
Por çasti është çast e duhet shijuar ,
edhe ta di që në ferr do shkoj ,
s’gjykohet një zemër kur është e dashuruar ,
pse mendjen se pyeti ; – si do përfundoj .