————-
Asnjëherë të tjerët mos i nënvlerëso
por nga jeta,eksperienca e tyre mëso.
asnjëherë veten tënde ti mos e vlerëso
por më shumë nga vetja jote ti kërko.
Asnjëherë mos e mbaj kokën përpjetë
se vjen një çast pengohesh dhe vetë
asnjëherë mos e mbaj,shumë kokën ulur
kur njerëz të tjerë,ta kanë me të ngulur.
Asnjëherë mos u hiq i zgjuar shumë
sepse të tjerëve ti,do u hapësh punë
asnjëherë mos u hiq ti budalla kurrë
se te marrin pastaj,kalamaja me gurë.
Por qëndro ashtu siç je,njeri normal
ashtu si jetën,ty Zoti ta ka fal
qëndro ashtu,si ai person që je ti
dhe mos u sh’ndërro në tjetër njeri.
