BARDHA SI BARDHA
Bardha si Bardha, me shpirtin e bardhë
Si sot, si nesër, por edhe si më parë
Fjalët e saj të matura, shumë me vend
Me plot kuptim i zgjedh kur ngarend.
Bardhës si Bardhës nga Vlora historike
S`i mungojnë përshëndetjet nga fjalët bazike
Është e sinçertë, kur shprehet, kur flet
E kuptove, s`e kuptove pesë pare s`i jep.
Bardha si Bardha, me kulturë e njohuri
S`e ka problem të formojë shoqëri
Për njerëzit e mirë ka shumë respekt
Për atdheun e të parëve, për popullin e vet.
Bardhës si Bardhës, s`i pëlqen vetmia
Pa njeriun e zemrës nuk fillon dashuria
Nuk është personi që mashtrohet lehtë
Njeriun e kupton, kur edhe dy fjalë i flet.
