Sherife Allko
Eja ,puthma shpirtin në vlagën e përcëllimit
Mos qëndro në errësirën e heshtjes për kaq shumë kohë .
Ti gjithmonë më ke dhënë zemër ,vizion
Nuk më le në errësirën e injorancës ,
Më bëre të shndritshme përbri yjeve në qiellin e largët .
Eja,puthma shpirtin
Dhimbja ka lënë gjurmë në distancë pa limit .
Përshkruaje rrugën nëpër zemrën time,
Si peneli mbi kanavacë me nuancat më të bukura të dashurisë .
Qëndro në të me forcën e guximit .
Eja,ec këmbëzbathur me kilometra të tëra ,
Puthma shpirtin e zhuritur dhe
çdo qelizë në trupin tim .
Sherife Allko
