( ZANI I NJI BURRI ).
Grue !
Ti je ishulli ma i largët e i dishiruem për çdo burrë , Odise,
je miti qi shkroj kohën e nji mitologjie t’lasht,
je rranja qi lindi jetën e dora qi t’përcjell nën dhe,
( Je Perëndija mbi çdo Perëndi qi kohnat kan dasht ).
Grue !
Ti je çilsi qi hap tana rrugët qi t’çojnë drejt e n’zemër,
je rruga qi t’end n’parriz pa biletë,
Ti je me plot gojë andrra ma e bukur ,
( Grue ,bukurija jote ngjall t’vdekunin prej vorrit i nep jetë ).
Grue !
Sa t’deshta e t’mallkova unë ( Burri ),
sa t’ndoqa e t’largova ,t’kërkova prep tuj t’dasht,
Ti je djallzija ma e amël qi m’ka luejt tinzisht
jeta e koha,
( Je miti ma i përkryem i nji mitologjie t’lasht ).
Grue !
Unë Burri ,pa ty jam nji lundërtar i humbun nëpër dete,
Ti ,pa mue nji ishull diku i humbun pa vizitator as pirat,
je krijesa ma e komplikueme e e përkryeme qi e krijoj koha e ma dha,
( Ti me plot gojë je Vdekja , Jeta ,je për mue ma i bukri Fat ).
Autore:
.
