Sherif Aga i Vojnocit
që kishte shumë pasuri,
ndërtoi kullën e bukur
Në disa komuna
dhe fshatra përreth
është kulla e vetme
do të jetë përjetë.
Është shumë e vjetër
me dritare e frënxhi
është si çdo kullë
që ruhet me krenari.
Dikur Sherif Aga
kullën e kishte n’pronësi,
tash stërnipërit e tij
kujdesen për atë shtëpi.
Një shekull e përtej
kulla i ka kaluar,
sa burra dhe trima
këtu janë takuar.
Mysafirët e t’largët
natën kanë kaluar
dhe në këtë objekt
për liri është biseduar.
Ishte kjo një shkollë
për gjithë rininë,
ta duan atdheun
dhe ta çmojmë lirinë.
Ruhet e mirëmbahet
ky objekt i vjetër,
asgjë s’i mungon
as sot, as nesër.
Armiqtë e kombit
kulla i ka vërbuar,
por s’patën guxim
atë për ta rrënuar.
![](https://gazetadestinacioni.al/wp-content/plugins/phastpress/phast.php/c2VydmljZT1pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDIzJTJGMTAlMkZNVVJURVotQVNMTEFOSS5qcGcmY2FjaGVNYXJrZXI9MTY5NzYzMTQwNS0xNjUwNyZ0b2tlbj01ZGM2ZWQ2ZjA4NjdjY2Ey.q.jpg)