KUR JAM NË LARGËSI
![](https://gazetadestinacioni.al/wp-content/plugins/phastpress/phast.php/c2VydmljZT1pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDIzJTJGMTIlMkZ2bGFkaW1pci1tdWNhLmpwZyZjYWNoZU1hcmtlcj0xNzAzMjUzNDc0LTIwODcwNiZ0b2tlbj05NmExNTRmM2QwYjhhZTI1.q.jpg)
Kur jam larg, shergët nisin fluturimin,
Në zemër malli gjëmon tek mua;
Në butën e verës mbledh durimin,
Në mëndje më vijnë hyjnitë e bukura.
Realiteti digjet si druri në zjarrë
Mes manastiresh, dashurishë të pa mesha,
Trup i gjymtuar, zemër e vrarë
Tundohen nga shpirtëra të molepsura.
Mbi qiell tunden kor temjanicash
Nër Te – deum absurdesh, dëshpërimi,
Krihen vështrimet në stalaktide ngricash
Si gratë Teutone në muzgje shiu.
Larg, kërkoj mitet në udhët me dredha,
Gjurmën e shtëpisë si pikë topografike,
Relovoj shpirtin, shpresat e reja
Mbi gjurmët e ikjeve, të vjetra biblike.
Ripunuar 2023
NË VARRIN E PRINDËRVE
Nga gjiri i familjes ju mori Zoti dikur,
Cfilitur në punë, nga kopësht i dashurisë,
Thellë varrit, në hon të zi, në qivur
Bulojnë aromat e tonës lumturi.
Kurrë emrat s’u mbuluan me qefin,
Nga dorë e përkujdesur rrinë shkruar,
Dhimbja, dashuria mbi to shndrin:
Kujtesë prindërore mbi gurin e latuar.
Nga kujtimi juaj tek kroi në parajsë
Gëlojnë mirësitë e jetës mot në mot,
Kushtimi juaj në jetë si kolovajzë
Na ushqen shpirtin me mirësi dhe sot.
Nëntor 2022
VARRIM NDERI
Ç’vekje lavdije flatron qiejve
Kur me krisma të nderon kundërshtari?!
Si heroi Met Hasa, në sytë e bjeshkëve
Me aerosol bjeshke ju mbulua varri.
Ç’mbretlri e re mbi maja lavdije!…
Qarkore mbi varr fryma që s’tretet,
Shungullon mbi male frymë lirie,
Në kujtesë të Kombit i gjallë mbetet.
1974-2023