Ukshin Morina
Të dashur miq, të jesh një poet i lirë nuk është dhe aq e lehtë për të tejkaluar barrierat e shumta të shoqërisë, e cila në mjaftë raste të merr përpara si vërshima e një lumi e të shpie në humnerë, por gjithnjë kam menduar për atë pjesë të shëndetshme të cilët kurrë nuk i panë prurjet e mia si diçka të ndaluar.
Më gëzon fakti se këtu në grup ku unë botoj ka mjaftë adhurues të cilët me ndjekin kur unë sjell shkëmbime poetike apo letërkëmbime të ndryshme nga mikja ime poete Labe, e cila edhe këtë radhë vjen për ne me një prozë poetike për të dëshmuar forcën e saj krijuese dhe dashurinë e pakufijshme që ka ndaj përsonit tim.
Kjo është një dashuri në kuptimin figurative, e cila s’duhet kuptuar si një ndjesi që preket apo shihet në të vërtetë, por si një magji a ëndërr, e cila shfaqet në mendjen e çdo përsoni që kupton dhe çmon artin poetik.
Lotët e dashurisë
Lotët vërshojnë rrëmbyeshëm e rriten në sytë e mi
kur nata bie mbi shpirtin tim
duke u bërë si kristale të thara të ndjenjave që mbaj
për ty i dashur.
Lotët e dashurisë bien si tingujt e një kënge të butë
ku përqafohen nga emocionet e një dëshire të panginjur!
Ata janë shtresuar si gurët e një muri që rrit kalanë
në kafazin e zemrës.
Lotët përbëjnë oqeanin e ndjenjave të mbyllyra që më
shkundin si furtunat e forta dhe udhën marrin drejt
tëndes zemër i dashur.
Ja, një yll shoh të ndrijë timen zemër duke më sjellë
pranverën e hareshme mbi atë qiell dimëror që më
rëndon mbi krye si një barrë oksigjenpërthithëse.
Lotët e dashurisë rrjedhin si vesa e mëngjesit nën petalet
e luleve gjethegjera sikur emocionet e fshehura
e të pazbuluara mbetur nën njē hije duke pritur diellin
rrezepërndritës.
Ata lot vijnë të mē rrëmbejnë në joshjen e bukurisë tēnde
i dashur dhe kërkojnë të sjellin kujtime të bardha
në mes të prillit!
Ata lot duan të bëhen dëshmitarë të njē dashurie që s’di të
vdes, por rritet sikur rrjedha e një burimi që kurrë s’shteron.
Lotët flasin për një dashuri sublime që do zërë vendin në
përjetësinë e zemrave tē shumë të dashuruarve duke
u treguar si një gojëdhënë në përjetësi.
