Brixhilda Dede
![](https://gazetadestinacioni.al/wp-content/plugins/phastpress/phast.php/c2VydmljZT1pbWFnZXMmc3JjP/Wh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDElMkY0MjA0Mzc4OTZfMjE3NjE0MzQ5NjA4MjcwNV8yMjQwMDc4NTk4NTE1MjM3MzE4X24tNDkxeDEwMjQuanBnJmNhY2hlTWFya2VyPTE3MDU1MTIzMTQtNTg4MTAmdG9rZW49ZWI0MmI1Mzk4Y2ZhZTg4OA.q.jpg)
Tek pija verën e ëmbël me ty përbri,
Flakës së oxhakut ku shkrepëtim druri përfliste,
kujtova me llahtari.
Kish ca ditë që nga ndjesi e hidhur,
Stomaku më rinte trazuar.
Krevati s’ më mbante shtratit.
Qyqja, ja merte vonuar.
Imagjinoj frymën e pyllit të dendur, pa rrugë, në agoni.
Sikur nëndetsja bërthamore raketat hidhte pa destinacion,..në fshehti.
Qiej të arnuar xhunglash, përqeshnin kur dielli përflakej.
Mbi trup endacak,
djersa bulzuar, thurte hartën e fatit.
Më pas, ai shi i papritur.
Gjëmëtime më vinin veshit,
Bashkë me zërin e nënës në të zeza veshur.
Aratisej mendimi, thellë në terr.
Natë e pafund, mister e ferr.
Mazë kockash dheut të huaj,
Erë e largët turfulluar i reh.
Shpirti,
Eh, shpirti,..
Paqësisht,..me ty fleh.
Nuk kisha menduar, se kjo rrugë e gjatë do të më çonte në të duhurin destinacion.
Sot thinjur, përballë teje qëndroj.
Portat e zemrës hapur më mbaj, plagët të kuroj.
Ah, për nënën e di, është tepër vonë.
Marrosur prej mallëngjimi, dy fjalë po i çoj.
Kanë filluar të zgjaten ditët.
Sajë teje, tempujt janë dritësuar.
Brixhilda Dede @10=1= 2024
![Mund të jetë një imazh i 1 person dhe duke buzëqeshur](https://scontent.ftia5-1.fna.fbcdn.net/v/t39.30808-6/420437896_2176143496082705_2240078598515237318_n.jpg?stp=dst-jpg_p526x296&_nc_cat=101&ccb=1-7&_nc_sid=dd5e9f&_nc_ohc=FVEtrqmm0nEAX-dYkuM&_nc_ht=scontent.ftia5-1.fna&oh=00_AfB4JqqrQ97XUWaeIWkwOiGaMfX1AZDNsRcCQeUcZ58UvA&oe=65AC42DB)
Të gjitha reagimet:
96Brixhilda Dede, Mimoza Maria Ajdhoni dhe 94 të tjerë