Në emër të modernizmit ,
po çmenden këngëtarët!
Duke krijuar këngë hibride
shoqëruar me muzikë
që ngjan me gërvishtje metalike!
Por të mos harrojmë
se folku është i lashtë
e i shtrirë në kohë e hapsirë
në përmasë biblike.
Në emër të modernizmit ,
poetët kanë marrë arratinë…
Në udhëtime shumë të largëta ,
në galaktika të tjera…
Duke krijuar poezi
që vetëm vetëm autori i kupton!
Pastaj ankohen poetët!
Më kot ankohen…
Poezia e galaktikave të tjera ,
në galaktikën tonë
nuk shkon.
Kthehuni ju poetë ,
tek toka që ju lindi.
E aty do të gjeni poezitë
më madhështore të kësaj bote.
E sado të keni shkruar poezi ,
kurrë nuk keni për t’i thënë të gjitha vuajtjet ,
gëzimet e njerëzve e mrekullitë e kësaj toke.
Kthehuni ju poetë
tek kjo tokë.
Në Brazdat e arës ,
ku mbillet misër a grurë…
pranë luleve të kumbullës
a të mollës.
Mes blerimit ,
pranë burimeve të ujit si kristali.
Mes njerëzve të thjeshtë
që djersijnë në punë
a fëmijëve të shkollës.
Në emër të modernizmit ,
me njëri – tjetrin përshëndetemi
në gjuhë të huaj!
Emërtimet e dyqaneve ,
lokaleve e marketeve gjithashtu!
E kjo më bën të vuaj.
As veshjet
as shijet estetike ,
nuk janë më ato shqiptare!
Ç’po bëjmë kështu…
a nuk më thoni?
Ku mbeti vallë…
përkatësia jonë kombëtare?
A nuk mendoni
se identitetin tonë po shkatërrojmë ,
kur në emër të modernizmit
çdo gjë të huaj imitojmë?
Le të kthehemi në tavanin
tonë kombëtar…
e do të shihni ,
se në çdo fushë të jetës
ka një thesar.
Thesare të paçmuar
që ndoshta bota ,
do t’na i ketë zili.
E duke i pasuruar më tej
këto thesare…
do të lartësojmë më shumë
emrin më të shtrenjtë
për të gjithë ne
emrin Shqipëri.
Jetë moderniste!…
Gjithësesi e komplikuar!
Por përse duhet të ankohemi?!
Jetën e komplikuam vetë
e tani ndjehemi të vetmuar!
Ndjehemi njerëz pa ndjenja…
me zemër prej guri!
Po kthehemi në robotë
se modernizmin nuk e ndërtuam
mbi tabanin tonë kombëtar
mbi themele prej graniti
që nuk mungojnë në këtë tokë!
Ku ka gjuhë më moderne e më të shtrenjtë se gjuha e nënës?!…
Të cilën po e shkatërrojmë!
Ku ka veshje më të larmishme
e më mahnitëse se veshjet shqiptare?!…
Të cilat po i bastardojmë!
Ku ka shenjtëri më të madhe
se shenjtëria e familjes shqiptare?!
Shenjtëri që po e cënojmë!
A nuk më thoni vëllezër…
ku po shkojmë?!…
Maj 2008
Shk. nga lib. “Vargje për jetën”
11
