Ndjehem i plotesuar dhe shumë krenar
ku unë banoj me vite,këtu në Vlorë
në qytetin e bukur,në qytetin e flamurit-
e këtij simboli të madh,mbarë Arbënor.
Njëqind e njimbëdhjetë vjet më parë
më njëzet e tetë Nëndor 1912-të
plaku Ismail Qemali me patriot të tjerë
ngriti flamurin,simbolin e vërtetë.
Ndër vite ky flamur,me gjak është vaditur
e atyre që dhanë jetën për pavarësi dhe liri
në tokën Shqipëtare i lirë është valvitur
dhe respektohet ky flamur,në gjithë shqiptarin.
Muaji Nëndor është muaji i flamurit
muaji i festave,pavarësisë dhe lirisë
dhe ai kuqalon,për tej bukurisë dhe nurit
anembanë vendit,në çdo cep të Shqipërisë.
Por vetëm Shqiponja në flamur e menduar rri
rri në vetvete e mbyllur,me pak trishtim
se krahët dhe zemëra e saj eshte e coptuar
prandaj ajo do të ketë një tjetër -bashkim-.
