Në hijen e natës,një yll m’rri i ndritur,
si një hije e vjetër malli më kaplon…
Të bukurat kujtime ende s’më janë shqitur,
thellë një pikëllim nē zemër më sëmbon….
Rrugicat e zbrazura përshkoj vetmuar,
të mallit ëndrra përshfaqen papritur….
Si puhizë e ngrohtë vijnë për t’më rizgjuar,
në gjurmët e tyre tash eci e sfilitur….
Malli m’pushton si valë e erës së ftohtë,
sjellë copëza kujtimesh të ëndrrës së pashuar…
Një i nxehtë lot një tjetër lot pason,
më zhurit si vapa ,djegur përvëluar…
Dhe koha vrapon mbrëmja serish vjen,
në hijen e natës ndjek prapë yllin tim…
Malli djeg e rritet porsi yjet në qiell,
si flaka më shkrumbon gjer n’agim…
