Boll heshtëm, zhytur në llumin e delirit për ‘ piedestale ‘..
mbytur në diploma për merita të larta krijimtarie ,
në heshtje e ” shqyejmë ” njëritjetrin për politikën banale ..
që pjellë veç varfëri, nën mantelin e kuq,
të kësaj dinastie !!
Për Ty poet atdhetarë, që heshtë ..
duke rendur baltrave të kohës me penën në dorë,
a si dëgjonë klithmat e jetës në barkun e këtij fëmije ..?
Që veç lotët i kan mbetur, nga ‘përsheshi’ ‘horror’,
që gatuajnë bastardët ..
mbështjellë me ‘metafora’ llahtarie !..
Ti që rendit ‘pikët ‘ në vargje romancash, dashurie,
mbledhur në ekstazën e stampave konvencionale nëpër diploma ,
mbështille me vargun tëndë barkun e këtij fëmije..
ti ‘ mjekosh ‘ pak shpirtin,mbetur
pengë i lëmoshës,
me ‘ tollona ‘ !..
‘Krim dhe ndëshkim’..?!
Kështu do të shkruante Dostojevski në Rusin Cariste..
për Roskolnikovin që thuri plane për
fajdexheshën ‘ djall ‘..!
Po ky fëmijë i varfër i botës së ” bukur ”,
globaliste ..
si mund të thuri plane për të vazhduar jetën ,
nën ‘ agonin ‘ e gjallë !?
Oh, sa turp !
Ne vrapojmë labiritheve të fantazisë si poetucër ‘ gjeni ‘ !..
me pena të ” mëdha ” nëpër duar ,
krijojmë s’teriotipe duke e kthyer bojën e zezë në ‘ ar ‘ !..
Plot ‘ lule ‘ e ‘ dashuri ‘ mbjellim në kët botë të mallkuar ,
e përpara neshë , rendin këmbëzbathur, fëmijë,
me barkun e tharë !
Përse hesht Ti poet !?..
Duke rendur ‘kokëlartë’ baltrave të kohës ,
me mëndjen te diplomat ..
e penën në dorë ,
a si dëgjonë klithmat e jetës në barkun
e këtij fëmije ..
që veç lotët i kan mbetur për ‘përsheshin’ horror ..
të ushqej shpirtin me metaforat tona ,
si ‘ideologji’ llahtarie !
Boll heshtëm !
Zhgërryer nën shkëlqime të rrema ..
diplomash,
zhytur në ” piedestale ”për merita të larta krijimtarie ,
në heshtje ” shqyejmë ” njëritjetrin për politikën banale ..
që pjellë veç mjerim, nën mantelin e kuq,
të kësaj ” dinastie ” !!..
