Blerta Basha
![](https://gazetadestinacioni.al/wp-content/plugins/phastpress/phast.php/c2VydmljZT1/pbWFnZXMmc3JjPWh0dHBzJTNBJTJGJTJGZ2F6ZXRhZGVzdGluYWNpb25pLmFsJTJGd3AtY29udGVudCUyRnVwbG9hZHMlMkYyMDI0JTJGMDIlMkY0MjgzMzUwNDBfNDEyMjg0MjAxMjQ1MjM1XzczNzA1MjUwMzI5NTM3NzYxMDRfbi5qcGcmY2FjaGVNYXJrZXI9MTcwODE2NjQ0NS00NjAzMiZ0b2tlbj0xODQ5NjgyOGVjOTcxYzBj.q.jpg)
Për ty shkruaj me penë e bojë
Më mjafton ti…
Dashuria jote që shkrin akuj e borë.
Vargjet e mia nuk kanë kurrë mbarim.
Rrjedhin çdo ditë si një burim i pashtershëm
nga dritaret e mallit përmbi varkën lundruese të lumturisë.
Shkruaj me copa lumturie që shkëputen,
Si petale trëndafili nga bahçja e zemrës,
Ujitur me ujin e bekuar të shpirtit,
që rrjedh pika- pika sipër kraharorit
ngrohtë,
prej dashurisë..
E kam shkruar dashurinë brenda në fletët e kuqe të zemrës
Me shkronja të mëdha shpirti.
Por me copa fryme dashurie,
që djegin si vapa e korrikut në lekurë
ndjeshmërisht.!