Arben Velo
U ndal çdo kohë para meje
një djalë takon,një vajzë të bukur.
Unë hijen time, tërheq zvarrë
Nxitoi vajza përbri ditës
Një tjetër nur rrugës ia zgjati
më ngjanin rrahjet e zemrës saj
( si zhurmë takash te asfalti)
Dy hije puqur, skanë mëndje fare
për hijen time, ku heshtja s’vdes
si shkarpa mbledhur këmbëve të tyre
mjegullat që thyen ky mëngjes.
U ndal çdo kohë para meje
takoi një djalë,një vajzë të bukur.
Unë hijen time e tërheq zvarrë
dhe lë dy hije duke u puthur.
