Rubjana Nika
Ti,bir i një nëne,
bashkëshort e baba,
ç’vepër makabër kreve,
Ti, bir i një nëne,
një nëne jetën i more,
fëmijët jetimë le,
në mendje,ç’dreqin sajove?!
Ti, bir i një nëne,
për të a mendove,
kur mbi një nënë qëllove,
çfarë dreqin kujtove?!
Ti ,bir i një nëne,
i tillë s’mund të jesh,
u ngjize nga djalli,
zemër s’mund të kesh.
Ti, bir i një nëne,
këtë emër s’e meriton,
Zoti që të dha,
nesër të gjykon.
