Tyran Prizren Spahiu
Ishin kohët e errëta, jetësim i zymtë
Varfëria, frika na përcjellnin
Nëntë muaj nga jeta yte e shtrenjtë
U dorëzove madhështisë shtatzënë.
Tani…je në mua në trupin tim
Si yllëz qiellor rron në kujtesë
Më mbërthen lumturia e jashtezakonshme
Uni im noton qetë në ujërat e jetës.
Mendimet pandërprerë më mbulojnë
Prania yte më mungon
Them në vete të të përqafoj e dashura nënë
Ngrohtësia, dashuria ndaj teje më begatojnë.
E çiltër, vyer, më pritje te dritarja
Bujaria yte në mua e skalitur
I lodhur, turpëruar, tentoja të kërkoj falje
Por nënë, ti më paraprije me buzëqeshje të paparë.
Atje lartë në botën e amshueshmërisë
Rrethuar me lule në majet e Parajsës
E mallëngjyer kujto djalin tënd
Me dëshirë të vetme të takohemi në Xhenet…
vargje poetike
UJE BURIMI