Ne jemi kujtesa jonë-Seti Pezaku Vladi


NE JEMI KUJTESA JONË

Të kujtohet, i dashur?

Çdo mbrëmje venim në lojë kujtesën tonë;

pinim çaj ardhur nga malet e Lurës

rritej përposh gjurmëve

të të parëve tu,

fuqia e fjalës e të cilëve

thyente gurët e murit të kohës.

Eeeh, i dashur,

mbrëmjeve ne venim në lojë kujtesën tonë

dhe në mungesë të saj

këmbenim veten me veten.

Kjo lojë ndonjëherë

zgjaste dhe të nesërmen në mëngjes

dhe unë të thoja:

ne jemi kujtesa jonë

që shkurtohet me net,

mëngjesi ngryste vetullat,

qeshjet tona zgjonin pranverën

e nguleshin nëpër ngjyra.